Gwybodaeth » Addysg » Anghenion Addysgol Arbennig » Cefnogaeth mewn Addysg Uwch
- Bydd gan bob prifysgol ddatganiad anabledd ac aelod o staff sy’n gyfrifol am drefnu cefnogaeth ar gyfer myfyrwyr ag anableddau.
- Dyma rhai pethau efallai y byddwch chi am eu hystyried wrth ddewis prifysgol:
- Pa gyrsiau sydd ar gynnig
- Cynnwys y cyrsiau a sut fyddan nhw’n cael eu hasesu
- Pa gefnogaeth sydd ar gael ar gyfer myfyrwyr anabl - bydd gan bob prifysgol aelod o staff sy’n gyfrifol am drefnu cefnogaeth ar gyfer myfyrwyr anabl. Gall lefel y gefnogaeth a gynigir amrywio rhwng prifysgolion.
- Pa mor bell oddi cartref rydych chi’n barod i fynd
- Pa mor fawr/fach yw’r brifysgol
- P’un a hoffech chi fyw mewn tref, mewn dinas, mewn ardal mwy gwledig ac ati
- Pa mor hawdd yw hi i deithio o amgylch yr ardal
- Pa gyfleusterau eraill sydd gan y brifysgol a pha mor hygyrch yw’r safle
- Pa fath o lety sydd ganddyn nhw - oes yna unrhyw gyfleusterau ar gyfer myfyrwyr anabl
- Oes yna fyfyrwyr anabl eraill yno neu wedi bod yno’n ddiweddar
Lwfans Myfyrwyr Anabl
- Os oes gennych chi anabledd a’ch bod chi’n gwneud cais am addysg uwch (prifysgol), mae’n bosib y gallwch chi hawlio Lwfans Myfyrwyr Anabl (DSA).
- Mae’r lwfans yma’n cael ei hawlio oddi wrth yr awdurdod lleol.
- Byddan nhw’n gofyn am dystiolaeth o’ch anabledd ac mae’n bosib y byddan nhw am ichi gael asesiad.
- Gellir defnyddio’r arian i dalu am staff i’ch cefnogi chi, am offer, neu am gostau cludiant sy’n ymwneud ag anabledd.
