Gwybodaeth » Addysg » Anghenion Addysgol Arbennig » Cefnogaeth yn yr Ysgol
Cefnogaeth ar gyfer dysgu yn yr ysgol
- Gall yr ysgol roi cefnogaeth ichi mewn sawl ffordd. Byddan nhw’n dibynnu ar y math o gefnogaeth sydd ei hangen arnoch chi.
- Mae’n bosib y bydd yn rhaid ichi gael asesiad, er mwyn i’r ysgol ddod i wybod beth yw’ch anghenion a sut y gallan nhw, neu bobl eraill, eich helpu chi.
- Bydd anghenion nifer fechan iawn o fyfyrwyr yn cael eu nodi’n ysgrifenedig mewn Datganiad Anghenion Addysgol Arbennig.
- Mae yna God Ymarfer yng Nghymru sy’n amlinellu’r hyn y dylai ysgolion ac awdurdodau addysg lleol ei wneud pan fydd angen cefnogaeth ar rywun yn yr ysgol.
- Bydd y gefnogaeth a ellir ei rhoi ar gyfer dysgu yn amrywiol, ond gallai gynnwys:
- Rhywun i gymryd nodiadau ar eich rhan
- Rhywun i ddarllen gwybodaeth ar eich rhan
- Help i drefnu’ch gwaith
- Gliniadur
- Os ydych chi’n teimlo bod gwir angen cefnogaeth â’ch dysgu yn yr ysgol arnoch chi, yna mae angen i chi, neu’ch rhieni, siarad ag un o’ch athrawon neu â’r cydlynydd anghenion arbennig (a elwir yn SENCO).
Cefnogaeth bersonol yn yr ysgol
- Mae’n bosib y gall rhai myfyrwyr hefyd gael cefnogaeth gofal personol. Gallai hyn gynnwys:
- Help wrth fwyta
- Help wrth symud o gwmpas yr ysgol
- Help wrth fynd i’r toiled neu wrth newid
