CLIConline

Gwybodaeth » Addysg » Yn Yr Ysgol 11-16 - Cyflwyniad » Gwaith Cartref

Gwaith cartref yw unrhyw fath o ymarfer astudio fyddwch chi’n ei wneud ar ôl i’r gloch amser mynd adref ganu.
Ni fydd llawer o bobl yn mwynhau gwneud gwaith cartref. Bydd y mwyafrif yn ei weld fel rhywbeth y mae’n rhaid iddyn nhw ei wneud yn hytrach na rhywbeth maen nhw eisiau ei wneud.
Bydd athrawon yn gosod gwaith cartref fel rhan o’r cwrs rydych chi’r n ei astudio, ac mewn gwirionedd, mae wedi’i gynllunio i’ch helpu i ddysgu. Bydd peidio â gwneud eich gwaith cartref yn golygu eich bod chi’n lleihau eich gobeithion o ennill cymhwyster.
Gall gwaith cartref fod ar sawl ffurf:

Ysgrifennu traethodau
Cyfrifiadau mathemategol
Ymchwilio pynciau
Heriau artistig
Gwylio rhaglenni teledu addysgol
Cwblhau gweithgareddau rhyngweithiol ar eich cyfrifiadur gartref

Faint o waith cartref ddylech chi ei wneud?

Nid oes rheolau pendant ynglŷn â hyn, ond fel canllaw bras, gallech ddisgwyl treulio’r amser canlynol yn gwneud gwaith cartref pob nos:

Blynyddoedd 7 ac 8 (11-13 oed) - 45-90 munud
Blwyddyn 9 (13-14 oed) - 1-2 awr
Blynyddoedd 10 ac 11 (14-16 oed) - 1.5-2.5 awr

Gwneud eich gwaith cartref

Dewch o hyd i rywle tawel i weithio heb unrhyw ymyriadau.
Mae yna farn gymysg ynghylch p’un a yw gwrando ar gerddoriaeth yn eich helpu i ganolbwyntio. Os yw’n gweithio i chi, cadwch y gerddoriaeth yn dawel yn y cefndir, fel nad yw’n tynnu’ch sylw nac yn eich temtio i ymuno â’r canu.
Cadwch ddyddiadur gwaith cartref - fel bod gennych chi nodyn o’r hyn sydd angen ichi’i wneud a phryd sydd rhaid ei gyflwyno.
Gwnewch yn siŵr eich bod chi’n cymryd seibiannau rheolaidd os fyddwch chi’n astudio am unrhyw hyd o amser.
Mae cyflwyniad yn bwysig - ceisiwch ysgrifennu’n glir ac yn daclus.
Os ydych chi’n ei chael hi’n anodd trefnu’ch amser er mwyn gwneud eich gwaith cartref, gallai chwilio am leoedd oddi cartref lle gallwch chi wneud eich gwaith fod o gymorth. Efallai fod rhai llyfrgelloedd mewn trefi mawr yn cynnal clybiau gwaith cartref. Bydd gwneud gwaith cartref mewn llyfrgell yn helpu i osgoi’r ymyriadau a all godi gartref, a bydd hefyd yn eich annog i gymryd diddordeb yn y llyfrgell a’r hyn y gall ei gynnig.
Peidiwch â bod yn gopïwr! Peidiwch byth â chael eich temtio i gopïo pethau gair am air oddi ar y we neu o lyfrau.
Bydd yn amlwg nad eich gwaith chi ydyw, felly rydych chi’n siŵr o gael eich dal. Gallai olygu eich bod chi’n cael marc o sero am eich gwaith. Ydi’n werth y drafferth?

Problemau â gwaith cartref

Os nad ydych chi’n deall beth mae gofyn ichi’i wneud, GOFYNNWCH i’c h athro. Nid oes cywilydd mewn gofyn i’ch athro egluro rhywbeth ichi. Byddai’n well ganddyn nhw ichi wneud hyn na pheidio â gwneud eich gwaith cartref neu wastraffu amser yn mynd i’r afael ag ef yn y ffordd anghywir.
Mae hefyd yn bwysig siarad â’ch athrawon os ydych chi’n teimlo eich bod yn cael gormod o waith cartref neu ddim digon o amser i’w gwblhau.
Os oes rheswm dilys pam na fedrwch chi wneud eich gwaith cartref erbyn y diwrnod cywir, yna mae’n debyg y bydd eich athro yn gadael ichi’i gyflwyno erbyn dyddiad diweddarach. Ond os yw’n bosibl, gofynnwch iddyn nhw cyn y dyddiad cyflwyno.
Er y dylech chi bob amser geisio gwneud eich gwaith cartref eich hun, os yw’r pwnc yn un anodd, efallai y byddwch yn gweld ei bod yn help trafod y peth â’ch rhieni neu â’ch ffrindiau yn gyntaf.

Have you made a video about this subject? We want your video!

2 Comments – Postiwch sylw

spain2011

Rhoddwyd sylw 13 mis yn ôl - 26th March 2012 - 15:49pm

ok I do games but I can't play a game because I'll get in trouble. this is a way to help do home work and spend less time doing it.

my tips

1. do it straight away so that you can spent spare time having fun

2. try to focus on one thing at a time unlike me at the moment

3. NOT do it last minute it doesn't help when there are problems

thanks for reading and i think it will be a while till I clic again.

p.s I'm doing research next on school problems

p.s.s I am also doing questions