Gwybodaeth » Addysg » Yn Yr Ysgol 11-16 - Cyflwyniad » Rheolau'r Ysgol
- Gall ysgolion osod eu rheolau eu hunain.
- Fel rheol, y pennaeth fydd yn ysgrifennu’r rhain, a’r llywodraethwyr yn eu derbyn.
- Dylai’r rheolau fod ar gael i bawb sy’n astudio yn yr ysgol.
- Mae llawer o reolau’n cael eu gwneud am resymau iechyd a diogelwch, ac mae’n bwysig eu dilyn.
- Os byddwch yn torri rheol ysgol bwysig, gallech gael eich gwahardd, sy’n golygu bod yr ysgol yn eich gwahardd rhag mynychu (gwelwch ein herthygl ar wahardd).
- Os byddwch yn torri rheolau’r ysgol yn aml iawn, gallai gyfrif yn eich erbyn pan fyddwch yn ceisio am swydd.
- Dyma rai o’r rheolau ysgol mwyaf cyffredin.
Rheolau cyffredinol
- Parchu athrawon a disgyblion eraill.
- Dim rhegi, ymladd nac ymddygiad ymosodol arall.
- Dim cyffuriau, alcohol na chamddefnyddio sylweddau (e.e. arogli glud).
- Peidio a gwneud gormod o sŵn.
- Cerdded o amgylch yr ysgol mewn modd trefnus.
- Peidio a gollwng sbwriel.
- Gwneud eich gwaith cartref.
- Oni bai eu bod nhw’n mynd gartref am ginio, mae’n bosib na fydd disgyblion dan oed penodol yn cael gadael safle’r ysgol amser cinio.
- Dod â nodyn oddi wrth eich rhieni os oes gennych apwyntiad â’r deintydd neu’r meddyg, neu i egluro pam eich bod wedi bod yn absennol o’r ysgol.
- Cael caniatâd ysgrifenedig oddi wrth yr ysgol i fynd ar wyliau teuluol yn ystod y tymor.
Cael eich cadw i mewn
- Mae ysgolion yn cael cadw disgyblion i mewn ar ôl ysgol fel cosb, ond dylid cyhoeddi dyddiad ac amseroedd hyn o flaen llaw gan hysbysu’ch rhieni hefyd.
- Dylid cadw disgyblion i mewn ar amser na fydd yn ei gwneud yn beryglus ichi ddychwelyd gartref.
Difrodi eiddo’r ysgol
- Os byddwch chi’n torri neu’n difrodi eiddo’r ysgol yn fwriadol, mae’n bosib y bydd gofyn ichi dalu amdano.
- Mewn achosion o ddifrod troseddol i eiddo’r ysgol, mae’n bosib y bydd y Llys yn gorchymyn i’ch rhieni dalu iawndal.
Gwisg ysgol
- Gall cyrff llywodraethu ysgolion wneud eu rheolau eu hunain ynghylch gwisg ysgol.
- Mae rhai ysgolion yn fwy llym ynghylch hyn nag eraill.
- Fel rheol, bydd yr ysgol yn derbyn amrywiadau mewn gwisg ysgol am resymau crefyddol neu ddiwylliannol (er enghraifft, gwisgo twrban, cap corun, a dreadlocks neu orchuddio’ch coesau).
Cydaddoli ac addysg grefyddol (gwasanaethau ysgol)
- Mae disgwyl i’r rhan fwyaf o ddisgyblion fynychu gwasanaethau ysgol ac addysg grefyddol.
- Fodd bynnag, rhaid i ysgolion gytuno i unrhyw ofyniad ysgrifenedig oddi wrth rieni i dynnu eu plentyn yn ôl o gydaddoli neu addysg grefyddol.
