Gwybodaeth » Chwaraeon a Hamdden » Chwaraeon Awyr Agored » Beicio
- Mae beicio’n ffordd gyfleus a rhad o deithio ac yn ffordd wych o ddarganfod eich ardal leol
- Gall beicio roi llawer o ryddid i chi – ond mae’n bwysig paratoi ar gyfer y tywydd a chyflwr y ffyrdd
- Cadwch yn ddiogel trwy wisgo helmed beicio
- Gallwch fwynhau beicio’n unigol, neu ymuno ag eraill a beicio gyda’w ch gilydd mewn clwb beicio
- Mae yna lawer o lwybrau beicio yng Nghymru i chi roi cynnig arnynt – gwelwch y lincs isod am ragor o wybodaeth
Beicio gyda’r nos
- Os ydych chi’n beicio gyda’r nos, rhaid gosod o leiaf ddau o oleuadau ar eich beic yn ôl y gyfraith – golau gwyn ar y blaen a golau coch ar y cefn
- Rhaid bod adlewyrchydd coch ar gefn eich beic
- Gwnewch yn siŵr y bydd pobl yn gallu eich gweld chi – gwisgwch ddillad adlewyrchol fel y bydd cerbydau eraill a cherddwyr yn eich gweld chi
Beicio mewn tywydd gwlyb
- Gall beicio mewn tywydd gwlyb fod yn beryglus, gan fod y glaw yn lleihau faint y gallwch ei weld ac mae risg y gall eich teiars lithro
- Bydd hi’n cymryd mwy o amser nag arfer i arafu pan fydd arwynebedd y ffordd yn wlyb – felly breciwch yn gynnar ac yn araf
- Gwisgwch ddillad gwrth–ddŵr er mwyn cadw’n sych a chynnes
- Profwch eich breciau, gerau a theiars i weld a ydynt yn gweithio’n gywir
Beicio mewn tywydd twym
- Sicrhewch eich bod yn yfed digonedd o hylif mewn tywydd twym fel nad ydych yn mynd yn ddadhydredig
- Amddiffynnwch eich croen rhag yr haul trwy wisgo hufen haul ar eich wyneb a’ch gwddf
Medrusrwydd beicio
- Os nad ydych wedi dysgu beicio neu os nad ydych yn teimlo’r hyderus am feicio ar y ffordd, gallwch wneud cwrs medrusrwydd beicio gyda’r Rhwydwaith Beicwyr Cenedlaethol: CTC Cymru (gwelwch y linc isod)
Gofalu am eich beic
- Mae’n syniad da prynu clo ar gyfer eich beic er mwyn ei gadw’n ddiogel – siaradwch â rhywun yn eich siop beiciau leol am gyngor
- Cadwch eich beic mewn cyflwr da trwy wneud yn siŵr bod olew yn y mannau cywir, bod y teiars â digon o aer ynddynt a bod y breciau a’r geriau’n gweithio’n iawn
