CLIConline

Gwybodaeth » Chwaraeon a Hamdden » Chwaraeon Awyr Agored » Chwaraeon Awyr

• Mae nifer o fathau gwahanol o chwaraeon awyr y gallwch gymryd rhan ynddynt ledled Cymru gan gynnwys:
• Hedfan
• Gleidio
• Barcuta (hang gliding)
• Paragleidio
• Parasiwtio
• Hedfan barcud
• Mae sawl risg cysylltiedig â hedfan. Gall fod yn chwaraeon peryglus, felly mae’n bwysig eich bod yn ymuno â chlwb gyda hyfforddwyr hollol gymwys
• Gall hyfforddiant pob un o’r chwaraeon awyr gwahanol hyn fod ychydig yn wahanol ond yn ôl y gyfraith rhaid i chi fod o leiaf 16 oed i hedfan ar eich pen eich hun
• Ac os ydych dan 18 mlwydd oed, rhaid i chi gael caniatâd eich rhiant neu’ch gwarcheidwad
• Os oes gennych wasgedd gwaed uchel, cymalau gwan neu anaf i’ch cefn, anogir i chi weld eich meddyg sy’n rhoi cynnig ar unrhyw chwaraeon awyr
• Os oes gennych ddiddordeb yn y gamp hon, gwelwch y lincs isod am ragor o wybodaeth ar ddod o hyd i’ch clwb agosaf
  

Hedfan

• Os ydych wedi penderfynu eisoes eich bod am ddysgu hedfan, rhaid cwblhau cwrs PPL (Private Pilot’s Licence). Rhaid i chi fod o leiaf 17 oed ac wedi pasio archwiliad meddygol er mwyn meddiannu ar y drwydded
• Mae rhai clybiau’n cynnig hediad prawf, lle byddwch yn rhoi cynnig ar lywio awyren gyda’ch hyfforddwr. Gall hon fod yn ffordd wych o ddarganfod a ydych yn mwynhau hedfan ac a ydych am ddysgu

Gleidio

• Nid oes peiriant gan gleiderau ac maen nhw’n defnyddio technegau tebyg i adar i gleidio drwy’r awyr
• Os oes gennych ddiddordeb mewn dysgu gleidio, awgrymir i chi fod o leiaf 14 oed cyn cychwyn. Mae hyn yn sicrhau eich bod yn ddigon mawr i gael eich clymu yn y cyfarpar yn ddiogel a’ch bod yn gallu cyrraedd y pedalau
  

Barcuta

• Wrth farcuta cewch eich strapio i gleider – ffrâm ysgafn gydag adain mewn siâp triongl i adael i chi hedfan
• Er mwyn esgyn, mae’r barcutwr yn rhedeg lawr bryn ac yn lansio mewn i’r awyr
• Oes os diddordeb gennych mewn dysgu barcuta, mae cyrsiau ar gael ledled Cymru
  

Paragleidio

• Mae paragleidio yn debyg i farcuta, ond heb y ffrâm ysgafn – ceir canopi defnydd yn unig, yn debyg i barasiwt
• Mae paragleidion yn esgyn trwy neidio o fannau uchel ac yn disgyn yn araf deg trwy’r awyr

Parasiwtio / Awyrblymio

• Mae parasiwtwyr ac awyrblymwyr yn neidio o awyren gyda pharasiwt sydd heb ei agor wedi’i strapio i’w cefn
• Caiff y parasiwt ei agor cyn i chi fynd yn agos at y ddaear er mwyn sicrhau eich bod yn glanio mewn ffordd reoledig a diogel
• Mae ystod o neidiau gwahanol y gallwch eu gwneud. Caiff parasiwtwyr ac awyrblymwyr heb brofiad eu strapio i hyfforddwr, a fydd yn rheoli’r neidio ac yn agor y parasiwt
• Rhaid cael llawer mwy o hyfforddiant i neidio’n unigol