Gwybodaeth » Iechyd » Gwasanaethau Iechyd » Ysbytai
- Mae triniaeth GIG (Gwasanaeth Iechyd Gwladol) yn rhad ac am ddim yn y DU
- Oni bai ei fod yn achos brys a chithau angen triniaeth yn yr adran Damweiniau ac Achosion Brys, ni allwch chi gerdded i mewn i'r ysbyty i gael triniaeth. Bydd meddyg yn eich atgyfeirio fel arfer
- Gall fod yn brofiad brawychus mynd i’r ysbyty, ond mae’r meddygon a’r nyrsys yno i’ch helpu chi felly peidiwch â bod ofn siarad â nhw a rhannu unrhyw bryderon
- Mae yna rai pethau y gallech chi fod am ystyried mynd â nhw gyda chi os byddwch chi’n mynd i’r ysbyty, fel:
- Manylion cysylltu â’ch ffrindiau a’ch teulu
- Unrhyw foddion rheolaidd
- Dillad nos
- Dillad isaf
- Pethau ymolchi
- Llyfrau, cylchgronau neu bosau
- Pin a phapur
- Bwyd neu fyrbrydau (gofynnwch i’ch meddyg beth y gallwch chi ei fwyta a beth na allwch chi ei fwyta)
- Fel claf ysbyty, mae gennych chi rai hawliau penodol, gan gynnwys:
- Cyfrinachedd
- Gwrthod cael eich trin gan fyfyrwyr meddygol
- Gweld eich nodiadau meddygol
- Cael ail farn
- Cael eich atgyfeirio at arbenigwr
- Gwrthod cymryd rhan mewn treialon ymchwil
- Cael gwybod am eich iechyd a phob opsiwn triniaeth
- Bod â ffrind neu berthynas gyda chi
- Cael dehonglydd neu arwyddwr i’ch helpu chi
