Gwybodaeth » Iechyd » Iechyd a Materion y Corff » Atal dweud
- Bydd atal dweud yn digwydd pan fydd toriad yn y llif geiriau arferol oherwydd sill sy’n cael ei ailadrodd drosodd a throsodd, sain estynedig neu floc llwyr ar y lleferydd. Mae gan bawb sydd ag atal dweud arnyn nhw batrwm atal dweud gwahanol
- Nid oes unrhyw un yn gwybod beth sy’n achosi atal dweud, er mai’r gred yw bod stres corfforol neu emosiynol, bywyd yn y cartref a’r ysgol ac amgylchedd y sawl sy’n dioddef ohono yn cael rhyw effaith
- Bydd rhai pobl sydd ag atal dweud arnyn nhw’n osgoi rhai geiriau neu sefyllfaoedd y maen nhw’n gwybod fydd yn achosi problem iddyn nhw. Weithiau gall atal dweud redeg yn y teulu
- Yn aml, bydd yr atal dweud yn diflannu wrth ganu, sibrwd neu siarad fel grwp
- Os ydych chi’n ei chael yn anodd cael eich geiriau allan, rhowch gynnig ar y canlynol:
- Siarad yn araf ac yn eglur
- Cymryd anadl dwfn ac ymlacio cyn dechrau siarad
- Eistedd a sefyll yn syth
- Edrych i fyw llygad y bobl rydych chi’n siarad â nhw
- Efallai y byddwch chi am gysylltu â therapydd lleferydd a fydd yn gallu rhoi mwy o gyngor ichi ar sut i drin atal dweud
