Gwybodaeth » Iechyd » Iechyd a Materion y Corff » Cur pen a'r Meigryn
- Poen yn y pen ac ardal y gwar yw cur pen, a gall ei gryfder amrywio. Mae yna dri phrif fath o gur pen: tensiwn, clwstwr a'r meigryn
- Gall stres, ystum corff gwael, straen y llygaid, alcohol, colli dwr yn y corff a chwant bwyd beri cur pen.
Cur pen tensiwn
- Dyma’r cur pen mwyaf cyffredin, ac mae’n tueddu i effeithio ar ferched yn fwy nag ar ddynion
- Y symptomau yw pwysau ar ochr y pen, y gwar a'r llygaid neu boen ysgafn sy'n gwaethygu gydol y dydd
- Gallwch chi leddfu’r math yma o gur pen gyda phoenladdwyr fel ibuprofen neu barasetamol. Fodd bynnag, peidiwch â chymryd poenladdwyr yn rhy rheolaidd, gan y gallai’ch corff ddod i ddibynnu arnyn nhw
Cur pen clwstwr
- Mae’r cur pen yma’n anghyffredin a gall y symptomau bara am oriau neu ddyddiau hyd yn oed. Mae’n tueddu i effeithio ar fwy o ddynion nag o ferched
- Y symptomau yw pigyn sydyn un ochr o’r pen ac o amgylch un llygad. Gall y llygad ddod yn llidiog ac yn ddyfrllyd
- Ni fydd poenladdwyr safonol yn helpu’r math yma o gur pen, felly mae angen ichi weld eich meddyg a fydd yn rhagnodi’r driniaeth sydd orau i chi
Y meigryn
- Mae’r meigryn yn llawer mwy na chur pen a gall ddod yn ôl drachefn a thrachefn
- Pibellau gwaed wedi’u cyfyngu yn y pen a’r gwar sy’n achosi’r meigryn. Gallan nhw bara am dair i 72 awr a gallan nhw eich gadael yn teimlo wedi blino’n lân am ddyddiau wedyn
- Ymhlith y symptomau mae plyciau o boen, yn aml ar un ochr o'r pen, cyfog, chwydu neu benysgafnder, dolur rhydd, sensitifrwydd i oleuadau, mannau dall a swn
- Os ydych chi’n dioddef byth a hefyd o gur pen neu’r meigryn, ewch i weld eich Meddyg Teulu am gyngor ac archwiliad
