Gwybodaeth » Iechyd » Iechyd Emosiynol a Meddyliol » Ffobias ac Arferion
Ffobia
- Ofn dwys sefyllfa neu wrthrych na fyddai’n poeni pobl eraill fel arfer yw ffobia
- Mae yna dros 10 miliwn o bobl yn y DU yn dioddef o ffobia, felly beth bynnag yw’ch ffobia chi, fe fydd rhywun sy’n deall
- Mae yna ambell fath o ffobia:
- Ffobiâu penodol e.e. anifail, pryf, germau, pigiadau neu hedfan
- Ffobiâu sefyllfa e.e. tywyllwch, uchder, gofodau wedi’u cau i mewn neu bod ar eich pen eich hun
- Ffobiâu cymdeithasol e.e. siarad yn gyhoeddus, bwyta o flaen pobl eraill
- Ffobiâu salwch e.e. ynglyn â mynd yn sâl
- Weithiau mae’n bosib olrhain ffobiâu i brofiad neu ddigwyddiad brawychus yn ystod plentyndod
- Mae modd trin ffobiâu trwy ddefnyddio triniaethau siarad fel cwnsela neu hypnotherapi, ond mae'n bosib y bydd angen triniaeth feddygol ar gyfer ffobiâu mwy difrifol
- Nid salwch yw ffobia, ond fe all beri pyliau o banig sy’n arwain at symptomau corfforol, fel teimlo’n wanllyd, chwysu a diffyg anadl. Gwelwch adran Pyliau o Banig i gael mwy o help a chyngor
Arferiadau
- Patrwm cyffredin o ymddygiad sy’n cael ei ailadrodd yn aml yw arferiad
- Gall arferiadau gynnwys cnoi eich ewinedd, chwarae gyda’ch gwallt neu gracio cygnau’ch bysedd
- Bydd arferiadau’n cael eu ffurfio dros amser ac maen nhw'n ddiberygl ar y cyfan, er ei bod hi’n anodd cael gwared â nhw
- Cyflwr yw Anhwylder Gorfodaeth Obsesiynol (OCD) lle bydd pobl yn meddwl am yr un pethau drosodd a throsodd a/neu’n gwneud yr un pethau drosodd a throsodd, a gall hyn fod yn fwy difrifol nag arferiad cyffredin
- Fel arfer, fe fydd yn achosi ichi wneud yr un pethau drosodd a throsodd neu bod â defodau lle bydd eich ofnau a’ch pryderon yn dod yn obsesiwn
- Ymhlith obsesiynau cyffredin mae germau a baw, a gall hyn arwain at olchi dwylo neu lanhau yn ddefodol
- Therapi i’ch helpu i newid eich ymddygiad yw’r driniaeth orau ar gyfer OCD
- Os ydych chi’n poeni am ffobia neu anhwylder gorfodaeth obsesiynol, mae'n syniad da siarad â rhywun a mynd i weld eich Meddyg Teulu i gael cyngor ar driniaeth. Mae’n bosib trin y ddau beth cyn belled â’ch bod chi’n cael y gefnogaeth iawn.
