Gwybodaeth » Iechyd » Iechyd Emosiynol a Meddyliol » Straen/Pryder ac Ymosodiadau o Banig
Mae pryder yn deimlad y bydd pawb yn ei brofi rywbryd. Rydym i gyd yn ei brofi pan wynebir ni gyda sefyllfaoedd sy'n fygythiol neu yn anodd i ni. Gall effeithio ar rywun o ran eu corff a'u meddwl, a gellir ei achosi gan bryder neu ofn.
Bydd 1 o bob 10 o bobl yn profi pryder neu ffobia rywbryd yn eu bywydau.
Fel arfer, gall ofn a phryder fod yn gymorth, gan ein helpu i osgoi sefyllfaoedd peryglus, gan ein gwneud yn effro a'n hysgogi i ymdrin gyda phroblemau. Ond os bydd y teimladau yn mynd yn rhy gryf neu yn mynd ymlaen yn rhy hir, gall ein hatal rhag gwneud y pethau a ddymunwn a gwneud ein bywydau yn ddiflas¹.
Gall pobl sydd o dan straen neu sy'n bryderus
- Deimlo'n bryderus drwy'r amser
- Teimlo'n flinedig
- Bod yn methu â chanolbwyntio
- Teimlo'n groendenau
- Cysgu 'n wael
- Bod â chrychguriadau'r galon
- Chwysu'n drwm
- Bod â chyhyrau dolurus a phoen
- Anadlu'n drwm
- Fod yn benysgafn
- Teimlo fel llewygu
- Bod â diffyg traul
- Bod â dolur rhydd
Mae ymosodiad o banig yn digwydd pan fo ofn a phryder dwys yn taro rhywun. Dyma symptomau ymosodiad o banig:
- Ymwybyddiaeth gynyddol am guriad y galon
- Chwysu
- Ysgwyd
- Ymdeimlad o dagu, diffyg anadl neu fygu
- Poen neu anghysur yn y frest
- Teimlo'n sâl neu boen stumog
- Teimlad o afrealrwydd neu fod ar wahâ n i chi eich hun neu'ch amgylchion
- Penysgafn, ansad neu deimlo eich bod yn llewygu
- Ofn marw
- Diffrwythder, goglais neu binnau bach
- Fferdod neu chwiwiau poeth
Gall siarad am y broblem gyda ffrindiau neu deulu fod yn fanteisiol. Gall dod o hyd i ffyrdd i ymlacio helpu i reoli pryder a thensiwn – unrhyw beth o lyfrau i helpu eich hun a DVDs i ofyn am gymorth proffesiynol.
Gall meddyginiaeth helpu e.e. cyffuriau tebyg i vallium neu dawelyddion. Maent yn effeithiol am liniaru pryder ond gallant fod yn gaethiwus, a phan fo pobl yn stopio eu cymryd gallant brofi sgil-effeithiau annymunol. Ni ddylid eu defnyddio i drin problemau pryder yn y tymor hwy.
Cofiwch
-Siarad am eich teimladau
-Cadw'n actif
-Bwyta'n dda
-Cyfyngu ar eich alcohol
-Treulio amser gyda'ch ffrindiau a'ch teulu
-Gofyn am gymorth
-Cymryd egwyl
-Gwneud rhywbeth rydych yn dda am ei wneud
-Bod yn chi eich hun
-Gofalu am eraill
¹Coleg Brenhinol y Seiciatryddion
