Gwybodaeth » Y Byd, Ewrop, y DU a Chymru » Gwleidyddiaeth » Gwleidyddiaeth Ieuenctid
- Proses a ffordd o wneud penderfyniadau sy’n effeithio ar grŵp o bobl, neu hyd yn oed gwlad neu genedl yw gwleidyddiaeth ieuenctid
- Gall gwleidyddiaeth ieuenctid ymwneud â chynghorau ysgol, grwpiau ieuenctid, fforymau ieuenctid neu’ch cyfraniad personol chi i wleidyddiaeth fel rhywun ifanc
- Gall eich pryderon gwleidyddol chi fod mor lleol â cheisio cael offer newydd yn eich ysgol, neu mor gyffredinol â hawliau anifeiliaid neu bobl
Sut i gymryd rhan
- Gall unrhyw un fynychu gwrthdystiadau a phrotestiadau sy’n cael eu trefnu gan bleidiau gwleidyddol neu grwpiau ymgyrchu sy’n ymladd dros newid mewn polisi
- Gallwch chi ymuno â changen ieuenctid plaid wleidyddol neu grŵp ymgyrchu - mae gan bron pob plaid gangen ieuenctid os ydych chi dan 18 mlwydd oed. Os ydych chi’n 18 neu’n hŷn, gallwch chi ymuno â’r prif blaid wleidyddol
- Ceisiwch ysgrifennu at eich AS lleol, aelod o’r cabinet neu’r Prif Weinidog i fynegi’ch barn neu i brotestio
- Gallwch chi hefyd ddechrau grŵp gwleidyddol yn eich ysgol neu ymwneud â chyngor eich ysgol
- Gwelwch y cysylltau isod am fwy o wybodaeth am sut i gymryd rhan mewn gwleidyddiaeth ieuenctid
Gwleidyddiaeth ieuenctid yng Nghymru
- Gallwch chi gymryd rhan mewn dadleuon, sy’n rhan bwysig o wleidyddiaeth ac sy’n cynnwys pynciau sy’n ymwneud yn uniongyrchol â materion cyfoes
- Cystadleuaeth ddadlau yw CEWC Cymru, lle mae dau ddisgybl o ysgol gyfun yn gwneud tïm ac yn dadlau yn erbyn ysgolion eraill am bynciau neu gynigion. Gofynnwch i’ch ysgol, yn arbennig yr adran Saesneg neu’r adran Wleidyddiaeth, am wybodaeth
- Cystadleuaeth yw Ffug Gynulliad Cymru, lle mae timau o ddisgyblion o amryw o ysgolion cyfun yn gweithredu fel pwyllgor o Lywodraeth Cynulliad Cymru ac yn dadlau yn erbyn ysgolion eraill. Gofynnwch i’c h ysgol chi am wybodaeth
- Cystadleuaeth yw Model y CU lle mae pobl ifanc yn cael rôl real, megis Ysgrifennydd Cyffredinol y Cenhedloedd Unedig, neu wlad i’w chynrychioli, ac mae nhw’n gallu cymryd rhan mewn model o drafodaeth y Cenhedloedd Unedig. Gwelwch adran y Cenhedloedd Unedig o wefan CLIC am fwy o wybodaeth
Y Ddraig Ffynci
- ’Cynulliad Plant a Phobl Ifanc Cymru’ yw’r Ddraig Ffynci
- Ei nod yw rhoi’r cyfle i rai Dan 25 mlwydd oed fynegi eu barn am bynciau sy’n effeithio arnyn nhw, yn enwedig gan Lywodraeth Cynulliad Cymru
- Mae gan y Ddraig Ffynci dri aelod ieuenctid o bob un o 22 o ardaloedd yng Nghymru
- Gallwch chi gymryd rhan trwy’ch cyngor ieuenctid neu’ch cyngor ysgol lleol
