Gwybodaeth » Y Byd, Ewrop, y DU a Chymru » Ymwelwyr » Ymwelwyr Gwaith
- Mae mewnfudwyr yn gwneud cyfraniad mawr at y DU trwy’r gwaith maen nhw’n ei wneud. Er enghraifft, mae mwy na 1,000 o ffoaduriaid sydd wedi cael hyfforddiant meddygol wedi’u cofnodi ar gronfa ddata Cymdeithas Feddygol Prydain, ac mae gan lawer o ffoaduriaid gymwysterau academaidd neu gymwysterau addysgu
Trwyddedau gwaith
- Er mwyn gweithio yn y DU mae angen trwydded waith arnoch, ac mae’n anodd i fewnfudwr gael un o’r rhain
- Fel arfer mae’n haws i fewnfudwr uchel ei sgiliau gael gwaith na mewnfudwr sydd â llai o sgiliau
- Mae mwy o wybodaeth ar ’gynlluniau gwaith â phwrpas’ ar gael ar wefan y Swyddfa Gartref
Ceiswyr Lloches
- Ni all ceiswyr lloches weithio tra bod eu cais yn cael ei brosesu
- Mae ceiswyr lloches yn dibynnu ar gefnogaeth y wladwriaeth, sef 30% yn llai na lefel cymhorthdal incwm arferol
- Mae sawl rhaglen mewn rhai rhannau o’r DU sy’n cynnig cyfleoedd i geiswyr lloches gymryd rhan mewn gwirfoddoli ar gyfer gweithgareddau cymunedol neu ddysgu Saesneg a sgiliau TG
- Ni all meddygon cymwysedig weithio tra bod eu cais am loches yn cael ei brosesu
Gweithwyr sy’n mewnfudo
- Ym mis Mawrth 2006, cyhoeddwyd dull mewnfudo newydd. Mae hyn yn golygu defnyddio system pwyntiau
- Mae hyn yn golygu y dyfernir pwyntiau penodol i bob mewnfudwr posibl yn seiliedig ar eu hoedran, eu sefyllfa ariannol, eu haddysg, eu cymwysterau a’u gallu yn Saesneg
- Yr enw ar hyn yw’r ’Highly-Skilled Migrant Programme’ (HSMP)
- Mae llawer o bobl a gwleidyddion wedi gwrthwynebu’r system newydd hon gan ddweud ei bod yn rhy lym, ac mae’n golygu bod mwy a mwy o fewnfudwyr yn cael eu hanfon yn ôl oherwydd eu bod yn llai medrus, yn ôl y system hon
- Mae’r Cyngor Ffoaduriaid a Chymdeithas Feddygol Prydain wedi sefydlu cronfa ddata o geiswyr lloches a ffoaduriaid sy’n feddygon cymwysedig
- Cyfeiriwch at y Cyngor Ffoaduriaid am ragor o wybodaeth
- Gwelwch ’Fisâu a Thrwyddedau Gwaith’ yn yr adran ’Gweithio’ yn CLIC am fwy o wybodaeth
