Gwybodaeth » Y Gyfraith, Hawliau a Dinasyddiaeth » Gwahaniaethu » Cyfle Cyfartal
Cyfle Cyfartal
Yn ystod blynyddoedd diweddar mae nifer o ddeddfau seneddol wedi’u pasio i geisio sicrhau bod pawb yn cael eu trin yn gyfartal. Yn eu plith mae:
Deddf Cysylltiadau Hiliol
Deddf Tâl Cyfartal
Deddf Gwahaniaethu ar Sail Rhyw
Deddf Cydraddoldeb Cyflogaeth
Mae’n rhaid cyflwyno cwyn dan un o’r deddfau yma cyn pen tri mis o’r drosedd yn digwydd.
Nid oes unrhyw ddeddfau ar hyn o bryd sy’n ymwneud yn benodol â gwahaniaethu ar sail tueddfryd rhywiol. Mae deddfau Ewropeaidd yn ymwneud â hyn. Gall Deddf Cysylltiadau Hiliol fod yn berthnasol i rai achosion o wahaniaethu ar sail crefydd, ond nid oes unrhyw ddeddf sy’n benodol i’r maes yma.
Mae gan lawer o sefydliadau bolisïau cyfle cyfartal sy’n dangos eu hymrwymiad i atal gwahaniaethu ac i ddarparu cyfle cyfartal i bob aelod o’r gymuned gael gwaith.
Mae’n bwysig ystyried eich hawliau o ran cyfle cyfartal pan fyddwch chi’n ystyried gyrfa neu swydd; erbyn hyn mae llawer o bobl yn cael eu cyflogi mewn swyddi a oedd yn cael eu hystyried yn draddodiadol yn swyddi a oedd yn addas i ddynion neu i ferched. Gall merched fod yn fecanyddion ceir a gall dynion fod yn fydwragedd. Gallwch chi gael manylion y cyfleoedd ar gyfer pob math o yrfaoedd o’ch swyddfa gyrfa leol ac ar www.gyrfacymru.com.
