Canolfan Tŷ’r Ysgol Caernarfon
Mae canolfan galw heibio a gwybodaeth wedi agor i bobl ifanc yng Nghaernarfon.
Mae Tŷ’r Ysgol yn ganolfan arbennig i bobl ifanc 11 i 25 oed. Yno gall ddefnyddio cyfrifiaduron,cael taflenni gwybodaeth am bethau o ddiddordeb i ti ac mae sesiynau galw heibio yno hefyd. Mae hyd yn oed ystafell fyw a chegin yno i ti gael gwneud panad tra ti yno.
Mae’r adeilad wedi ei leoli tu ôl i’r clwb ieuenctid ym Mhenrallt.
Mae’r ganolfan yna i ti ddefnyddio diolch i Gwmni Ifanc Tŷ’r Ysgol sydd wedi bod yn gweithio yn galed ers 2003 i agor y fath yma o le i bobl ifanc Caernarfon a’r ardal. Prynwyd yr adeilad 7 mlynedd yn ôl yn 2002 ac maent wedi bod yn ceisio am grantiau ers hynny.
Mae dwy ystafell wely i fyny’r grisiau gyda lle i 10 gysgu. Gall godi arian i redeg y ganolfan o’r rhain drwy adael i grwpiau o bobl ifanc sydd yn ymweld yr ardal gydag amryw sefydliadau aros.
Mae sesiynau Camddefnydd Sylweddau a Want to Work yn cael eu cynnal yno a gall alw heibio unrhyw amser am wybodaeth. Maent hefyd yn trio denu sefydliadau gwahanol i redeg sesiynau felly mae’n syniad da i gysylltu gyda’r ganolfan i ffeindio allan beth sydd yn digwydd yno unai wrth alw heibio neu drwy roi galwad i Mel Jones y rheolwr ar 01286 672045.
Mae’r ganolfan ar hyn o bryd ar agor ar ddydd Llun, Mercher, Iau a Gwener o 9yb tan 4.30yh trwy’r flwyddyn.
