Cawl San Steffan
Dyma rysáit ar gyfer Cael Dydd San Steffan, ac mae'n Hawdd Iawn Iawn i wneud, yr unig beth sydd angen ydy'r cig a'r llysiau sydd ar ôl o'r cinio Nadolig, felly dyma'n union beth fyddi di angen a sut i'w wneud.
Bydd angen:
- 1 pot coginio mawr gyda chaead (sosban bwysedd yw'r gorau)
- 50ml o Olew olewydd hynod-goeth (bydd unrhyw olew coginio yn iawn)
- Ychydig o fenyn (tua 1 llwy de)
- 2 nionyn coch maint canolig (wedi'i ddeisio)
- 2 clof garlleg (wedi'i wasgu a'i ddeisio)
- Unrhyw lysiau sydd ar ôl (moron, tatws, rwden, brocoli, blodfresych, panasen, cennin (y Sprouts ofnadwy yna), bresychen ac unrhyw beth arall sydd ar ôl)
- Tua 300-500 gram o dwrci sydd ar ôl (neu unrhyw gig sydd ar ôl ac sydd ddim yn cael ei ddefnyddio fel cig oer) (i lysieuwyr paid defnyddio cig)
- 1 ciwb OXO llysiau, 1 ciwb OXO cyw iâr a 1 ciwb OXO cig eidion (cyw iâr a chig eidion ar gyfer cael llawn blas cig, felly os ddim yn defnyddio cig defnyddia 3 ciwb llysiau OXO yn lle hyn)
- 1 litr dd?r poeth (nid berwedig)
- 1 ffon gymysgu neu brosesydd bwyd
Dull
- Yn dy bot mawr, rho'r olew a'r menyn a chynhesa
- Ychwanega'r nionod a'r garlleg, ffrio yn ysgafn nes yn feddal
- Ychwanegu d?r poeth a crymblo'r ciwbiau OXO
- Mudferwi am 10 munud
- Wrth i'r pot mudferwi torra'r llysiau i mewn i ddarnau 1 modfedd
- Ychwanega'r llysiau i'r pot a chymysgu yn dda
- Mudferwi am 20 munud (nes bydd y llysiau wedi dechrau torri i lawr a'r d?r yn dechrau tewychu
- Ychwanegu'r cig (os yn defnyddio)
- Gadael iddo ferwi ac yna mudferwi ar wres isel iawn am awr
- Ychwanegu halen a phupur i flas
- Gadael iddo oeri a'i gadw yn yr oergell dros nos (bydd hyn yn helpu'r blasau gymysgu a dwysau)
Y Bore Canlynol
- Defnyddio’r ffon gymysgu (neu brosesydd bwyd) nes bydd y cawl yr un trwch â Readybreak neu uwd
- Dychwela i'r gwres a'i ferwi'n araf (yn cymysgu yn aml i atal ef rhag cydio ar waelod y sosban.)
- Gadael iddo fudferwi ac yna blasu (os oes angen halen neu bupur yna ychwanega)
I Serfio
- Rho glwmp o hufen tew dros ben i mewn i waelod bowlen cael (dewisol)
- Rho'r cawl drosto (dwy lwy cawl canolig i bob bowlen)
- Gall roi parmesan drosto (dewisol)
- Serfio gyda rhôl bara cynnes ffres (dewisol)
A mwynha!
