Codi Arian I Mind
English version
Ers mis Tachwedd 2011 dwi wedi bod yn cynllunio digwyddiad codi arian i Mind.
Y cynllun gwreiddiol oedd cynnal gwerthiant teisennau mewn coleg. I gychwyn roedd rhaid meddwl am ddyddiad, cael caniatâd, penderfynu beth i bobi, ysgrifennu pa gynhwysion oedd angen, trefnu deunydd ar gyfer y dydd, prynu cynhwysion, pobi teisennau ayb ayb.
Penderfynodd fy ffrind gael parti yn ei siop. Penderfynom godi arian i Mind drwy roddion hael a dyfalu enw'r tedi ayb. Gwisgodd y ddau ohonom i fyny. Roedd hi'n glown eithaf od ac roeddwn i'n gath. Cawsom ychydig o edrychiadau od ond roedd popeth yn werth o.
Nesaf roedd y gwerthiant teisennau. Ar fy niwrnod bant es ar y bws gyda dau focs enfawr llawn gwahanol fathau o deisennau. Mae'r siwrne bws yn awr a hanner! Yn ogystal â gwerthu fy nheisennau i, fe wnaeth fy ffrindiau deisennau hefyd a gwerthwyd y rhai yno i gyd hefyd.
Dwi'n gweithio mewn canolfan ieuenctid felly penderfynom godi arian ar gyfer cynnal a chadw'r adeilad, ond fe godais i un fi i Mind drwy aros i fyny am 24 awr. Roedd yn brofiad diddorol iawn. Dim ond am ddwy awr gysgais i.
Ar y cyfan codwyd £304.88 i Mind fydd yn helpu llawer o bobl gyda gofid meddyliol.
Rydym yn bwriadu cynnal digwyddiad gyda'r thema bwyta'n iach tu allan i siop fy ffrind a gweithio gyda'n gilydd i godi arian i Mind eto. Mae fy ffrind arall a fi hefyd yn trefnu aros i fyny am 24 awr eto ar gyfer pobl ifanc fis Awst.
Rydym yn bwriadu gwella a chodi mwy nag £304.88. Gawn ni weld…
Mae Mind yn helpu pobl i gael rheolaeth o'u hiechyd meddyliol drwy ddarparu gwybodaeth a chyngor o ansawdd uchel, ac yn ymgyrchu i hyrwyddo ac amddiffyn iechyd meddwl dda i bawb. Cymera olwg ar www.mind.org.uk.
DELWEDD: Phillip
