Gwleidyddiaeth A Phobl Ifanc
English version
Neithiwr bu cwpl o Sproutwyr i lawr i adeilad hyfryd y Pierhead am ddigwyddiad o'r enw Pobl Ifanc a Gwleidyddiaeth Yng Nghymru. Dyma le bu ychydig o bobl ifanc yn gofyn bob math o gwestiynau i banel o bedwar gwleidydd (Christine Chapman AC, Bethan Jenkins AC, David Melding AC, Eluned Parrott AC) ac Aled Jones o CFfI Cymru ac yn cael ei gyfryngu gan Nia Medi o Radio Cymru.
Roedd yn eithaf da, gyda chwestiynau gwych gan bobl ifanc, y ffordd roedd popeth wedi poethi tipyn erbyn diwedd y sesiwn, ac yn enwedig y sgriniau Twitter enfawr ar y waliau (roedd popeth efo'r hashtag #PVYP2011 yn cael ei gyhoeddi yn fyw, gyda llawer o chwerthin am y peth hefyd!).
Ysgrifennais lawer o nodiadau prin yn ddarllenadwy, ond mae Cynulliad Cenedlaethol Cymru (oedd yn trefnu'r digwyddiad gyda'r Gymdeithas Hansard) wedi, ac yn parhau i lwytho fideos o'r digwyddiad ar YouTube felly yn hytrach na darllen fy marn i arno, pam ddim cael gwybod yn syth o'r felin.
Ond cyn i ti fynd, edrycha ar y fideo yma o Stormer007 yn siarad gydag Aled a Bethan am y digwyddiad.
