Gwybodaeth Neu Beidio?
Dwi’n ysgrifennu’r erthygl hwn i rannu gyda thi'r caledi o’r byd gwybodaeth.
Dwi wedi bod yn ysgrifennu llyfryn gwybodaeth i bobl ifanc fy mwrdeistref leol, ac yn wynebu anawsterau ar bob cam.
I gychwyn, llynedd mater o gyllid oedd o. “O ble mae’n dod?” “Pwy sydd yn mynd i’w ysgrifennu?” a stwff fel yna.
Eleni dwi wedi penderfynu cychwyn y llyfr gwybodaeth a’i ddiweddaru a cheisio’i gyhoeddi. Wel, dim ond y cychwyn ydy hynna. Cyn i mi hyd yn oed feddwl am ysgrifennu’r llyfryn mae’n rhaid i mi gael cyfarfodydd efo’r person yma a chyfarfodydd efo’r person yna.
Yna mae’n rhaid i mi ysgrifennu drafft a’i ddangos i’r corf yma o bobl a’r corf yna o bobl (enwau ddim yn cael eu crybwyll am resymau cyfrinachedd). Yna bydd rhaid iddo gael ei basio gan y bobl yma a’r bobl yna cyn i mi hyd yn oed dechrau meddwl ei yrru allan. (Os wyt ti’n cadw cyfrif rydym nawr wedi cyrraedd tuag wyth wythnos.)
Yna bydd yr arolwg/ymgynghoriad yn cymryd o leiaf dau fis i gael ymatebion yn ôl, yna bydd yn cymryd pythefnos i fi a thîm bach coladu a chofnodi’r ymatebion i gyd ac ysgrifennu adroddiad ar beth sydd angen.
Ar ôl hyn byddaf angen cyflwyno’r adroddiad i’r bobl yma a’r bobl yna, yna bydd yn cymryd tri mis arall i ail ysgrifennu’r llyfryn a gweithio gyda’r bobl ifanc i gael y dyluniad y ffordd maent eisiau.
O fan hyn bydd angen dangos o i’r bobl yma a’r bobl yna eto, i ddweud ei fod wedi’i orffen. Yna bydd rhaid i mi chwilio am ac ymgeisio am gyllid i gael cyhoeddi. Bydd wedyn yn cymryd dau fis eto i’w brintio yn llawn ac yn barod i gael ei roi allan i bobl ifanc Torfaen. (Mae hynna nawr tuag wyth i naw mis.)
Mae hyn i gyd er mwyn cyhoeddi llyfryn gwybodaeth ar gyfer pobl ifanc, felly ydw i’n mynd amdani neu beidio?
Wel, byddet yn falch o wybod fy mod i yn gwneud hyn, ond mae’n rhaid i mi gael y cyfarfodydd gyntaf.
Gobeithio bod pawb wedi mwynhau darllen, a gad sylwad os wyt ti eisiau.
Tudalennau Gwybodaeth
DELWEDD: edrabbit
