Mae CLIC Wedi Glanio!
Ar ôl blwyddyn o gynllunio, datblygu ac ymgynghori parhaus gyda phobl ifanc a sefydliadau, rydym o’r diwedd yn datgelu ein golwg newydd a ffres.
Fel y gwasanaeth cenedlaethol i roi Gwybodaeth a Chyngor i Bobl Ifanc (11-25) yng Nghymru, bydd CLIC yn parhau i ddarparu gwyddoniadur o wybodaeth ddefnyddiol i'w defnyddwyr a’u cyfeirio at sefydliadau perthnasol i ofyn am gymorth a chyngor.
Yr hyn sy’n wahanol yw y bydd y wefan yn awr yn caniatáu i ti a’r sefydliadau sy’n cefnogi dy weithgareddau lwytho erthyglau, lluniau a fideos hefyd i roi cyhoeddusrwydd i ddigwyddiadau a newyddion i’w rhannu gyda phawb ar draws Cymru.
Y cyfan sy’n rhaid i ti ei wneud yw cofrestru ar-lein i gael enw defnyddiwr a chyfrinair i allu dechrau cyfrannu at y wefan. Bydd yr holl gynnwys a lwythir yn cael ei safoni gan y golygyddion cyn ymddangos ar-lein.
Gyd chymorth pobl ifanc rydym wedi dechrau adolygu ac ailysgrifennu rhai adrannau o’r wybodaeth gyfredol ond croesawir sylwadau ac adborth gan bawb sy’n ymweld â’r wefan. Gyda chymaint o wybodaeth werthfawr yn cael ei chynnwys, bwriedir datblygu’r wybodaeth dros y flwyddyn i ddod.
Mae cyfle i roi sylwadau ar bob tudalen felly cymera ran, arwydda i gofrestru, llwytha dy gynnwys dy hun neu rho wybod i ni beth rwyt ti'n ei feddwl!
