Ydy’r Ffactor Sgwâr Gen Ti?
Wyt ti mewn band neu yn berfformiwr unigol? Hoffet ti gyflwyno dy dalentau o flaen cynulleidfa enfawr?
Ddydd Sul 18 Gorffennaf 2010 yng nghanol Casnewydd cynhelir digwyddiad cerddoriaeth am ddim er cof am John Sicolo, sefydlydd ganolfan gerdd TJ’s.
Wedi’i drefnu gan TJ’s a chylchgrawn Voice mewn cydweithrediad gyda Cartrefi Dinas Casnewydd, Sgwâr John Frost yw’r lleoliad awyr agored ar gyfer TJ's Yn y Sgwâr, lle bydd rhai fel GLC, Flyscreen a Sick Livers yn perfformio i gynulleidfa enfawr mae’n sicr.
Gobeithir y bydd pymtheg o fandiau yn chwarae, y mae pedwar ar ddeg ohonynt wedi eu trefnu’n barod, ond mae’r hyrwyddwyr yn chwilio am un act derfynol i gwblhau rhestr o berfformwyr. Dyma rywbeth y gallet ti fod â diddordeb yno.
Os wyt ti yn 18 oed neu iau ac yn gwneud cerddoriaeth o unrhyw ddisgrifiad, gall gyflwyno dy hun a gall o bosib cael dy ychwanegu at y rhestr.
I wneud cais, anfona demo – nid oes raid iddi fod o ansawdd broffesiynol oherwydd maent yn chwilio am dalent heb ei datblygu – CD neu dâp, neu hyd yn oed ddim mwy na dolen i dy dudalen MySpace ac ati a bydd panel o arbenigwyr yn y diwydiant yn rhoi deg o berfformwyr ar y rhestr fer i fynd ymlaen.
Os wyt ti yn un o’r deg a ddewisir, yna byddet yn mynd ymlaen i ysgol roc dau ddiwrnod yng Nghasnewydd, lle bydd arbenigwyr y diwydiant yn dy wylio yn perfformio ac yn rhoi dosbarthiadau meistr i ti mewn pynciau fel bod yn gerddor, peirianneg sain, sgiliau cyfweld, edrychiad a steil a mwy. Byddet hefyd yn cael sesiwn o dynnu lluniau.
Ar ddiwedd y ddau ddiwrnod, byddet yn perfformio mewn arddull X Factor o flaen panel o feirniaid. Bydd y band sydd wedi elwa fwyaf o’r cyngor a roddwyd yn ennill.
Mae’r rhestr wych o wobrau a roddir i’r enillydd/wyr yn darllen fel hyn:
- Slot cefnogi yn y gig ar Orffennaf 10fed
- Sesiwn dynnu lluniau lawn mewn stiwdio gyda ffotograffydd proffesiynol
- Logo wedi ei ddylunio ar gyfer ti neu dy fand
- Prynhawn o recordio mewn stiwdio
- Chwe chrys-t gyda dy logo arnynt
- Cyfweliad gyda chylchgrawn Voice
Gwneir ffilm ohonot hefyd yn y gig ym mis Gorffennaf fel rhan o raglen ddogfen sy’n cael ei gwneud a’r lluniau cyhoeddusrwydd a fydd yn cael eu cymryd.
Mae’n debyg mai dyma un o’r cyfleoedd gorau i gerddorion ifanc y mae Casnewydd Ifanc erioed wedi ei weld, felly mae’n siŵr y byddet am wybod sut i wneud cais am y cynnig. Bydd y ddolen isod yn mynd â thi i’r ffurflen gais. Hysbysir y deg band olaf ddydd Iau 3 Mehefin, a chyhoeddir yr enillydd ddydd Sul 20 Mehefin.
Mae’r gystadleuaeth yn agored i bawb o dan 18 – nid dim ond y rhai hynny sydd yng Nghasnewydd.
Pob lwc!
Ffurflen Gais Ydy’r Ffactor Sgwâr gennych chi?
Ydy’r Ffactor Sgwâr Gen Ti? yn digwyddiadau
DELWEDD: deep_schismic
