AR-OLWG... Edrych Tuag At 2011?
Beth ydy AR-OLWG? Dwi’n clywed ti’n gofyn.
Maen nhw’n grŵp o bobl ifanc 11 i 25 oed, yn edrych am aelodau newydd ledled Cymru.
Mae AR-OLWG yn gweithio tuag at ddod yn Arolygiaeth Ieuenctid Cenedlaethol ar gyfer Gwybodaeth yng Nghymru.
Yn y bôn, bydd y grŵp yma yn edrych ar sut mae gwybodaeth yn cael ei ddarparu i bobl ifanc yng Nghymru, gan gynnwys pa mor gyfoes, perthnasol a defnyddiol ydyw.
Y syniad yw eu bod nhw’n cael gwneud asesiad ar Wasanaethau Gwybodaeth i adnabod pa mor dda ydynt i bobl ifanc.
Felly beth fyddet ti’n cael am fod yn rhan o hyn? Byddet yn cael ymuno yn ein gweithgareddau preswyl, derbyn ein rhaglen hyfforddiant ac achrediad ar gyfer Arolygwyr Ieuenctid, cael cyfle i gyfarfod pobl eraill ifanc o’r un oedran ac yn fwy pwysig fyth, cael dylanwad ar y Gwasanaethau Gwybodaeth ar gael i ti!
Bydd ein cyfarfod nesaf yn digwydd yn y Flwyddyn Newydd, os hoffet fod yn rhan ohono neu am wybodaeth bellach cysyllta â: Claire@cliconline.org.uk neu geoff@cliconline.org.uk.
Mae bod yn rhan o AR-OLWG hefyd yn wych i dy CV, ceisiadau am waith a/neu goleg ac yn rhoi set newydd o sgiliau i ti tuag at dy ddyfodol.
Am beth wyt ti'n disgwyl? Bydda’n rhan!
