Cegin Eddie: Salad Cesar
Reit ta, felly dwi'n gwybod bod rhai ohonoch wedi bod yn meddwl pryd mae'r rysáit nesaf yn ymddangos? Felly beth yw ef? Pam nad yw o yma eto? Wel, fe ddywedai wrthyt ti!
Y rysáit nesaf fydd teisen enfys gyda gwahaniaeth, ond cyn i mi roi'r rysáit i fyny dwi angen rhoi prawf arno gyntaf (mae'r un yma yn gais gan CLICiwr ifanc). Y rysáit ar ôl yr un yma fydd byrgyrs cartref, yn barod am y tymor barbiciw.
Bydd angen:
- 3 deilen letys iceberg – wedi'i dorri'n ddarnau
- Llond llaw fach o ferwr (rocket)
- Llond llaw fach o ddail betys coch ifanc
- 1 letys gem fach
- 200g brest cyw iâr – wedi'i goginio a'i sleisio
- 6 ansiofi
- 3 sleisen cig moch – wedi'i goginio a'i ddeisio
- Dresin Cesar
Sut i'w greu:
- Ar blât, gosod y dail gem fach i greu'r haen gyntaf
- Gwasgaru gweddill y dail letys drosto
- Gorwedd y frest cyw iâr wedi sleisio, gyda'r ansiofi ar ben pob sleis
- Gwasgaru'r cig moch drosto
- Tywallt ychydig o ddresin Cesar drosto
Awgrymiad y cogydd:
- Am flas Eidalaidd, gwasgara siafins caws Parma a thywallt ychydig bach o olew olewydd hynod goeth.
Clicia yma i weld holl ryseitiau Eddie
Newyddion – Categorďau – Bwyd a Diod
DELWEDD: Ryan Grove
