Fi Y Cyflwynydd
GEIRIAU: Sam Ebenezer
Roeddwn i mor nerfus yn mynd i Gaerdydd i fod yn gyflwynydd am bedwar diwrnod. Doeddwn i ddim yn gallu credu fy mod i wedi ennill. Roeddwn wrth fy modd.
Roedd y digwyddiad SgiliauCymru yn anhygoel. Roedd yn syniad gwych i bobl o bob oedran ddarganfod pa yrfa y dylent ddilyn.
Cychwynnodd y ffilmio ar y pnawn dydd Mercher. Roedd Michelle (enillydd arall y gystadleuaeth) a finnau yn mynd i wneud ffilm fer ar gyfer y Seremoni Agoriadol.
Roedd hwn i annog pobl i ddod i Stadiwm y Mileniwm ar y tri diwrnod o ddydd Iau 16 i ddydd Sadwrn 18 Medi.
Roedd ennill y gystadleuaeth Byddwch Yn Gyflwynydd yn gyfle da ac yn brofiad gwych. Roeddwn wedi gwneud ychydig o gyflwyno ar y cyd ynghynt, ond dim byd o’r maint yma. Bob dydd roeddem yn ffilmio mewn dau o’r chwe gwahanol sector: Peiriannu, TG a Gweinyddu Busnes, Gwasanaethau Proffesiynol a Lletygarwch, Celfyddydau Diwylliannol a Chreadigol, Amgylchedd Adeiledig a Chyngor, Addysg a Hyfforddiant.
Roedd y sectorau i gyd o ddiddordeb i mi mewn nifer ffyrdd gwahanol, Nid oeddwn wedi disgwyl i’r parthau Peiriannu ac Adeiladu fod mor ddiddorol a chynorthwyol. Roedd y parthau hyn, ynghyd â’r parth Cyngor, Addysg a Hyfforddiant yn hwyl dda gan fod ganddynt nifer o arbrofion ymarferol, oedd yn eu gwneud yn bleserus.
Ar y diwrnod diwethaf, dydd Sadwrn, cefais agor y gystadleuaeth Brwydr Y Bandiau CLIC. Dim ond dau o’r bandiau cefais weld ac roedd y safon yn drawiadol. Cafodd yr enillwyr The Hostages, o Lanidloes, chwarae ar y Llwyfan Perfformio Sgiliau, lle cyflwynwyd gan Michelle a finnau.
I unrhyw un sydd â diddordeb mewn bod yn gyflwynydd byddwn yn awgrymu yn fawr dy fod yn ceisio yn y gystadleuaeth hon os cei gyfle. Roeddwn i yn falch o ymgeisio a chefais brofiad gwych.
Hafan » Gwybodaeth » Cyflogaeth a Hyfforddiant » Prentisiaethau a hyfforddiant
