Gwersi ABaCh
Ar ôl cyfarfod ar aelodau cynulliad yn y Senedd lawr yng Nghaerdydd hefo 'Draig Ffynci' gefais y siawns i ofyn cwestiynau a thrafod testunau hefo'r is-weinidog dros Blant, Addysg a Dysgu Gydol Oes.
Wnaeth llawer o destunau godi yn y cyfarfod yn cynnwys LCA ('EMA') ag y gwersi ABaCh (Addysg Bersonol a Chymdeithasol/'PSE/PSHE Lessons'). Ar ôl trafod y materion a oedd yn codi ynglŷn ar wersi ABaCh ddwedodd un o’r grŵp ei fod ei hysgol hi yn gorfodi plant i gymryd arholiad ar ddiwedd y cwrs fel ei bod yn galluogi nhw i dderbyn cymhwyster/tystysgrif TGAU am y gwaith mae hi yn ei wneud yn y gwersi hyn sydd yn arbennig. Meddyliodd pawb fod y ffaith fod y disgyblion yn yr ysgol yna yn cael cymhwyster allan o’r gwersi a phawb arall yn cael dim byd i gydnabod y gwaith ac rydym yn gwneud yn y gwersi yn annheg.
Roedd yr hogan yma yn trafod pethau a oedd yn berthnasol iddi hi e.e. trafodwyd yn y gwersi am Ddraig Ffynci ar Senedd ayyb ag yn ogystal ag Addysg rhyw a chyffuriau. Yn y gwersi ABaCh dwi yn ei dderbyn rydym yn debygol iawn o gael athro/athrawes sydd yn darllen o ffeil a hefo dim cymhwyster yn y testun, mae hyn yn wneud imi deimlo fel bod yr athro/athrawes yn dallt dim am y testun. Mae hyn yn dilyn i ddisgyblion peidio gofyn cwestiynau oherwydd y diffyg hyder yn yr athro/athrawes.
I gloi rwy’n credu dylai rheolau gael ei wneud ynglŷn â'r gwersi ABaCh fel bod pob pobl ifanc sydd yn derbyn y gwersi yn cael siawns cyfartal a bod yna disgwyliadau uchel o’r gwersi, oherwydd ar ddiwedd y dydd y sgiliau rydym yn dysgu o’r gwersi yma syn agor llwybrau ein bywyd.
