Gwersyll Girlguiding
Rydw i’n adrodd o’r Aruthrol Cant Yng Nghymru: Gwersyll Galw Heibio Girlduiding Cymru.
Rydym yn gwersyllu ym maes y Sioe Frenhinol, gyda genethod yn mynychu o bob rhan o Gymru.
Mae dros 600 o enethod yn cymryd rhan, ac rydym yn aros am ddwy noson a thri diwrnod. Rydym wedi cymryd rhan mewn gweithgareddau fel crefftau, antur, a sialensiau gwahanol.
Rydym hefyd wedi cymryd rhan mewn gweithdai taekwondo, ffensio, saethyddiaeth, drysfa meddwl, trin adar a ffuredau a llawer mwy. Fe fwynheais y saethyddiaeth fwyaf.
Yn y dosbarth crefft fe wnaethom gi o lanhawyr pibell, mwclis a hwyaid, a llawer mwy. Ar y nos Wener cawsom dân gwersyll heb y tân, ble buom yn canu nifer o ganeuon er nad oeddem yn gwybod nifer ohonynt.
Dwi’n hoffi bod yn y Girguides yn fawr iawn gan ei fod o’n llawer o hwyl, a dwi wrth fy modd pan rydym yn cael bathodynnau ac yn trio pethau gwahanol.
Rydym hefyd yn cael gwneud lot o ffrindiau newydd o wahanol lefydd.
LINCIAU
