Y Peth Mawr Nesaf
Wyt ti rhwng 11 a 19 oed?
Oes gen ti ddiddordeb mewn cerddoriaeth?
Oes gen ti dalent am berfformio neu ysgrifennu cerddoriaeth?
Wyt ti wedi diflasu ar y cwestiynau yma?
Os mai "YDW/OES" ydy dy ateb i'r cwestiynau hyn yna ti gallai fod y peth mawr nesaf! (neu'r Next BRIT Thing)
Mae yna dair gwobr ar gael yn y gystadleuaeth: roc/pop/trefol, clasurol, a chyfansoddwr/ysgrifennwr caneuon gorau.
Mae gen ti hyd at fis Medi, felly gallet ddechrau ysgrifennu ac ymarfer nawr! Hoffwn hefyd awgrymu ceisio cael ychydig o gyhoeddusrwydd, gan mai'r artistiaid mwyaf poblogaidd fydd yn cael eu dewis i berfformio o flaen panel.
Mae caniatâd i ti ddefnyddio caneuon 'cover', ond ti ddim yn cael defnyddio unrhyw beth o waith rhywun arall; felly dim traciau cefndir ti ddim wedi'i wneud dy hun, dim cymryd darnau o drac rhywun arall, a dim cymysgedd DJ o drac ti ddim wedi'i wneud dy hun.
Gall geisio cymaint o weithiau ag yr wyt ti eisiau, a bydd manylion am fformatio a stwff diflas fel hynny ar gael pan fydd y wefan yn agor ei ddrysau i'r cyhoedd yn fis Medi.
Mae The Next BRIT Thing efo cefnogaeth gan nifer o selebs, gan gynnwys Tinchy Stryder a Pixie Lott. Mae hefyd adran yn cynnig cymorth arbenigol ar bethau fel recordio, perfformio, a hyd yn oed awgrymiadau i'r rhai sydd eisiau dilyn gyrfa mewn cerddoriaeth (dywedai Chris Singleton, cerddor bûm yn cyfweld ychydig yn ôl, "Paid â'i wneud!" Os nad yw hynny'n ddigon o ysgogiad i ti, dwi ddim yn gwybod beth fyddai).
Mae gwybodaeth ar gyfer rhieni ac arweinyddion yma felly dylet yrru dy riant/gwarchodwr yma os oes gen ti ddiddordeb.
Pob lwc, cerddorion ifanc!
www.nextbritthing.com
Tudalen Cerddoriaeth
